كيرتن

الشكل نفسه

شعر متوسط الطول، مفروق من النص، وكل ناحية طايحة على وشك. محتاج شوية طول عشان يقع صح، والفرقة لازم تفضل مفتوحة طول اليوم من غير ما تتلزق. ده اللي خد مكان السبايكي.

ليه المنتج ده بالذات

أخف حاجة في إيدك. الكيرتن مش عايز تثبيت قوي، عايز حركة. لو لزقته بجل هيبان متسطّر بالمسطرة، والمفروض يبان طبيعي. واكس الشيا أقل واحد لامع في التشكيلة، تثبيته ٣ ومرن — يمسك الفرقة ويسيب الشعر يتحرك.

الخطوات

1. شعر مبلول شوية، استشوره من النص لكل ناحية عشان الفرقة تبان.
2. كمية صغيرة شيا، دوّبها في إيدك.
3. عدّي بيها على الطول، مش على الجذر، وسيب الفرقة نضيفة.
4. لو الشعر تقيل والفرقة مش قافلة معاك، برو إكس بيمسك الفرقة أكتر شوية.

ابعد عن

الجل بيلزق الفرقة ويعملها مسطرة. وابعد عن الجذر — أول ما المنتج ينزل على الجذر الشعر بيتقل والفرقة بتقفل.

اللي مش عندنا

الكيرتن الأصح ليه كريم تصفيف خفيف، وكريمات التصفيف لسه تحت التنفيذ. الشيا أقرب حاجة — بس هو واكس.

أسئلة بتتسأل كتير